UEFA Çempionlar Liqasının 6-cı turunda “Barselona” “Yuventus”u qəbul edəcək. Görüşə maraq olduqca böyükdür. Hər iki komanda pley-offa vəsiqəni təmin edib. Bütün görüşlərdə qalib gələn “Barselona” 15 xalla liderdir. 12 xalı olan “Yuventus” isə 2-ci pillədə qərarlaşıb. 2-ci turda “Yuventus”a 2 cavabsız qolla qalib gələn “Barselona”nın baş məşqçisi Ronald Kuman bu dəfə də qələbəyə iddialıdır: “Düzdür, pley-offa vəsiqəni təmin etmişik. Lakin, arxayınlaşmaq olmaz. Hər oyun bizim üçün çox vacibdir. Uğurlu seriyamız var. Bunu davam etdirməliyik. Fantastik görüş gözləyirik. Ümid edirik ki, meydandan 3 xalla ayrılan tərəf biz olacağıq”.
“Yuventus”un baş məşqçisi Andrea Pirlo matçın çətin keçəcəyini bildirib: “Barselona” ilə ilk oyunda məğlub olmuşuq. Bunun əvəzini çıxmaq niyyətindəyik. Amma bizim üçün çox çətin olacaq. Xüsusilə də səfər matçı olduğu üçün üstünlük rəqibdədir. Meydanın hər qarışı uğrunda mübarizə aparacağıq”.
Qeyd edək ki, “Barselona” – “Yuventus” matçı gecə yarısı başlanacaq.